Г.Ариун-Эрдэнэ

Юуны түрүүнд хөтөлбөр эхлэхээс өмнө ажил, карьерын хувьд өөрчлөлт хийх хүсэлтэй боловч тухайн үеийн тав тухтай амьдралын хэмнэлээсээ гарах зориггүй, өөртөө итгэл багатай байлаа. YPG хөтөлбөрт нэг жилийн турш хамрагдсанаар тэр бүр тусгайлан уулзах боломжгүй менторуудтай уулзаж, чөлөөтэй асуулт асууж, тэдний ажил амьдралын туршлага болоод зоригтой шийдвэр гаргалтуудаас нь их урам зориг авсан. Би бараг л жилийн турш судалж, бодсоны эцэст ажлаа сольсон бөгөөд өөрийн хүсэж байсан олон улсын түвшинд ажилладаг газартаа орсон. Энэхүү шийдвэрийг гаргахад салбар бүрд ажиллаж байгаа үеийн залуучуудынхаа туршлагаас суралцахаас гадна сар бүрийн менторуудтай хийдэг уулзалтууд чухал нөлөө үзүүлсэн. Хөтөлбөрийн нэгэн ментороос авсан хамгийн чухал ойлголт бол хүн амьдралынхаа туршид үргэлж “Power”-той талд буюу надад эрх мэдэл, давуу талуудыг олгодог талбарт (ажлын байрны төрөл, харилцаа, хүрээллийн хувьд) дандаа зогсоод байвал өөрийгөө бүрэн дүүрэн гаргаж ирж чаддаггүй. Харин залуу насандаа надад эрх мэдэл олгодоггүй газруудад ажиллаж, байж болох хамгийн их дарамттай (жоохон хэтрүүлэв ккк) нөхцөлд өөрийгөө оруулж шалдаа буугаад, түүнээс өөрийгөө гаргаж ирэх туршлага нь хамгийн үнэ цэнтэй байдаг шүү гэсэн юм. YPG хөтөлбөрт хамрагдсанаар оюун бодол, сэтгэлгээний хувьд ихээхэн задалж, олон чухал ойлголтуудыг хандлага, хувийн зохион байгуулалт, амьдралын шийдвэр гаргалтуудад нөлөө үзүүлэхүйцээр өгдөг гэж дүгнэмээр байна.