Э.Мөнхзул

YPG хөтөлбөрийн ментий болсноор, менторуудтайгаа уулзаж, олон амжилтын түүх, арга барил, мэдлэг туршлагатай танилцаж, өөр өөр салбарын үе тэнгийн залуустай үзэл бодлоо хуваалцаж, тэдний хүсэл эрмэлзэл, зорилготой нь танилцах боломж нээгдсэнд баяртай байна. Энэ нь надад өөрийнхөө таньж чадаагүй давуу болон сул талуудаа нээн илрүүлж, юмсыг харах өнцгөө илүү өргөн болгоход тусалсан. Ментортойгоо уулзах бүрдээ миний ажил, карьер, амьдралын тэнцвэр болон эрүүл амьдралын хэв маягийн талаар чин сэтгэлээсээ зөвлөгөө өгч байсанд маш их талархдаг. Юмсыг илүү өргөн агуулгаар нь харж, зөв горимоор ажиллах тухай өгсөн зөвлөгөө нь миний ажиллах хэв маягт чухал нөлөө үзүүлсэн. Эцэст нь, олон амжилтын түүх, сургамжтай зөвлөгөөнөөс гадна ментий нарын маань гал цог, хүсэл тэмүүлэл надад томоохон өөрчлөлт авчирсан гэж бодож байна. :)