Б.Давааням

Бүтэн нэг жилийн турш үргэлжилсэн менторшип хөтөлбөр нь миний мэргэжлийн болон хувь хүний хөгжлийн тал дээр томоохон дэвшил гаргасан, үнэ цэнтэй туршлага болж өнгөрлөө. Анх хөтөлбөрт хамрагдаж эхлэхдээ өөрийн бизнесийг эхлүүлэх, мэргэшлээ гүнзгийрүүлэх зорилго тавьсан бөгөөд эдгээр зорилгуудынхаа ихэнхийг биелүүлж чадсандаа баяртай байна. Хөтөлбөрийн туршид менторуудтай сар бүр хийсэн уулзалтууд нь надад start-up эхлүүлэх шийдвэр гаргахад маань маш их зориг оруулсан. Менторуудын бодит бөгөөд ялгаатай карьер замнал, өөр өнцгөөс хардаг үзэл бодол нь миний зорилгодоо хүрэхэд томоохон түлхэц болж, тулгарсан асуудлуудад шийдэл олоход тусалсан. Менторуудаас сонссон онцлох сэтгэгдэл: Б. Хос-Эрдэнэ ментор – “Хүн логикоор бүх юмыг шийдэж чадахгүй, мэдрэмж чухал.” Ө.Ганзориг ментор – “Ирээ цээргүй сэтгэ (Сэтгэлгээ гэдэг хязгааргүй).” Э.Орчлон ментор – Start-Up эхлүүлсэн сэдэл, урам зориг Б.Анхболд ментор – Төв Азид бизнесээ өргөжүүлсэн түүний яриа надад их тодхон үлдсэн. Хөтөлбөрийн туршид олж авсан туршлага, мэдлэг маань ирээдүйд илүү бүтээлч, өөртөө итгэлтэй байхад тус болох бөгөөд менторууд болон бусад оролцогчидтой танилцан ажлын сүлжээгээ өргөжүүлсэн нь миний хувьд маш том амжилт байлаа. Менторуудын өгсөн урам зориг, ирээдүйн зорилгодоо хүрэхэд чиглэсэн зөвлөмжүүд нь надад үнэлж баршгүй мэдлэг болж үлдэнэ гэж итгэж байна. Энэ хөтөлбөр нь мэргэжлийн ур чадвараа дээшлүүлэх, шинэ боломжуудыг нээхэд чиглэсэн маш үр дүнтэй арга зам байсанд талархаж байна. Цаашдын зорилгодоо хүрэхэд эндээс сурсан зүйлс минь асар их дэм болно гэдэгт итгэлтэй байна. Мөн олон залуусыг YPG хөтөлбөрт хамрагдаж бодит үр дүнд хүрээсэй гэж хүсэж байна.