Г.Дархижав

Энэ хөтөлбөрт ороогүй бол зарим менторуудын шахуу хуваарийнх нь дунд олж уулзах боломжгүй байсан болов уу. Ямартай ч маш өгөөжтэй яриа, түүхүүдийг сонсож, суралцсан гэж бодож байгаа. Бас бусад оролцож байгаа ментий нараасаа ч сурах, үзэл бодлыг нь сонсоод санаа авах зүйлс их байлаа. Ажил карьер, амьдралаа ойрын хэдэн жилээр л харж, бодож чаддаг байсан бол, амьдрах хугацаагаа тэр чигт нь төсөөлөх, амьдралаа том зургаар нь, бүхлээр нь харахуйц нүд нээсэн мэдрэмжийг хөтөлбөрийн дунд авсан. Сар бүрийн уулзалтаа хүлээдэг, үнэхээр гоё хөтөлбөр байлаа. Төслийн санаачлагч В.Ганзориг ментор болон Global Shapers UB-ийнхэн, уг төслийн зохицуулагч Батчимэг, Пүрэвсүрэн, Анар нартаа маш их баярлалаа. Энэхүү хөтөлбөр нь жилийн хугацаатай зохион байгуулагддаг бөгөөд жил бүрийн 11 дүгээр сарын үеэр шинэ элсэлтээ авж байна.