Altanbagana Shiituu

Залуу мэргэжилтнүүдийн холбооны шилдэг ментор Алтанбагана захирал манай хөтөлбөр анх үүсгэн байгуулагдсан цагаас хойш 10 дахь жилдээ ментороор үргэлжлүүлэн ажиллахаар болсныг дуулгахад таатай байна. Ш.Алтанбагана нь "Тера Экспресс ХХК-ийг үүсгэн байгуулагч бөгөөд Ерөнхий захирлаар ажилладаг. Стратеги удирдлага, маркетинг, энтрепренёршип чиглэлээр мэргэшсэн Монголын тэргүүлэх мэргэжилтнүүдийн нэг юм. Тэрээр өмнө нь МСS Групп, АПУ компани, Чоно Групп зэрэг Монголын топ групп компаниудад удирдах албан тушаал хашиж байсан арвин туршлагатай. Герман улсад бизнесийн удирдлагын мастерийн зэрэг хамгаалсан. Монголын Маркетингийн Холбооны Ерөнхийлөгчийн ажлыг олон жил амжилттайгаар хашиж одоогоор удирдах зөвлөлийн гишүүнээр ажилладаг ба, мөн тэрээр бусад олон нийтийн байгууллагын үүсгэн байгуулагч, идэвхтэй гишүүнээр ажилладаг.