Batchimeg Sainbayar

С.Батчимэг нь “Ти Ди Би Секьюритис” ҮЦК-ийн Гүйцэтгэх захирал бөгөөд банк санхүү, хөрөнгийн зах зээл, хөрөнгө оруулалтын менежментийн чиглэлээр 20 гаруй жилийн туршлагатай, санхүүгийн салбарын хөгжилд бодит хувь нэмэр оруулж ирсэн эрхэм юм. Тэрээр Монгол Улсаас олон улсад гарсан бондын хэлцлүүд болон тэргүүлэх ач холбогдол бүхий хөрөнгө оруулалтын томоохон төслүүдийг амжилттай удирдан хэрэгжүүлж, дотоодын хөрөнгийн зах зээлийн экосистемийг хөгжүүлэхэд олон улсын жишиг тогтоосон бүтцийн шийдлүүдийг санаачлан нутагшуулж ирсэн. Тэрээр Худалдаа хөгжлийн банк, Ти Ди Би Лизинг, TDB Asset Management зэрэг байгууллагуудад удирдах түвшний албан тушаал хашиж байсан туршлагатай удирдагч юм. Дэлхийн санхүүгийн төвүүдийн нэг Лондон хотод хөрөнгө оруулалт болон санхүүгийн эрсдэлийн удирдлагын чиглэлээр магистрын зэрэг хамгаалж, London Stock Exchange Academy-д мэргэжил дээшлүүлсэн бөгөөд хөрөнгийн зах зээлийн залуу мэргэжилтнүүдийг бэлтгэхэд үнэтэй хувь нэмэр оруулж буй, салбартаа өргөнөөр үнэлэгддэг мэргэжилтэн билээ.